KIDUNG WUYUNG NDUWUR GUNUNG

DENING : ENIS

Binareng swaraning kidung
Tumlawung  ing perenging gunung

Anggawe panglangute rasa wuyung

Kang wus kadlarung - dlarung

Gempung..liwung…

Tanpa petung..

Praopane tansah anggayut mendhung

mega mendhung pating gemulung

Ing langite ati kang nandang gandrung

Tumiba siji - siji waspa kaduwung

Den sida raga anglarung
 mecaki jangkaning wuyung 
kang tanpa juntrung 

kidung wuyung ing duwur gunung
anggrantes ati kang sinarawedi
anjangkah bumi kepati-pati
njajah desa milang kori
tumeka belahing manca nagari
kidung wuyung mbabar ati
ngrenggani urip ing giri bumi  handayani

Gunungkidul, Minggu 19 Juli 2020