VIRUS SASTRA JAWA

VIRUS -VIRUS  SASTRA  JAWA

Dening : Eni  Setyowati (Enis)

( Lolos sayembara sastra budaya jawa taun 

2020 lan kapacak ing buku antologi geguritan KIDUNG KARANGKITRI  Kundha Kabudayan Ngayogyakarta taun 2020)

Virus-virus sastra jawa

Wus wayahe diwenehi hawa

Wus sak trepe dititipi nyawa

Ben dadya sarana anggelar rasa

Ben dadya warangka angumbar jiwa

 

Virus-virus sastra jawa

Tambaha sengkut anggonmu ngrakut

Mlebu ing sela-selaning jamrut

Jamruting raga, jiwa lan rasa

Dadya pangendah bawana

Kanggo pangayom ,pangayem lan pamrayoga

Agesanging manungsa ing mayapada

 

Uga dadya pepadang

Ing tembe ngadep mring Sang Hyang Maha Wenang

Kanthi manthering diri lan ati

Linambaran ajining budaya jawi

Linandesan kitab sucining Ilahi ...

Yogyakarta ( Hotel Neo Awana) ,Temu Sastra, 

Rabu, 27 November 2019

DERAI HUJAN BULAN JUNI

DERAI HUJAN BULAN JUNI

OLEH : ENI SETYOWATI (ENIS)

Derai hujan bulan juni 

Mengurai kenangan yang lama terpatri

di palung sanubari

di teritis kalbu ini

sosokmu pernah singgah mewarnai

haru birunya hati dan hari

yang mengerosi di setiap urat nadi

Sepi ... sunyi ...

pernah menemani

membingkai setiap tarikan napas ini

mewujud dalam sebuah cerita hati

membungkus mimpi yang tiada bertepi

meneteskan selaksa janji

tumbuh mekar membumi

di pangkuan ibu pertiwi

berharap padamu derai bulan juni

engkaulah satu diantara berlaksa karunia Ilahi

dalam setiap derai runtuhmu di bumi

adalah laksana  kilauan permata hakiki

percikmu  hempaskan setiap virus pandemi

Kini ... 

dalam dekapan  bumi handayani

menderai  tetesan air mata setiap insani

menyaksikan gelombang demi  gelombang pandemi

menggulung menyisakan berbait jerit tak terperi

Robbiiii ......

teguhkan hati dan diri ini

juga insan-insan di bumi

bahwa semuanya sudah tersurat dan tersirat abadi

dalam Firman-Firman Suci

Bahwa yang hidup akan mati

dan ada hidup sesudah mati

Makhluk winadi ini

adalah utusan-Mu, ya Robbi

Dan hanya Engkau jua yang akan menghakimi

Namun sebagai insan di bumi

Kita wajib berikhtiar diri

untuk menggapai ridho  hakiki

dalam derai bulan juni

pasti ada beruntai janji

dari-Mu , Wahai Yang Maha Azali

**

Bumi Handayani, Kamis 17 Juni 2021

(lamunan hati di tengah pandemi nan nggegirisi)

AKSARA JAWA ANJAYENG BAWANA

 

AMBABAR AKSARA JAWA , ANGAMBAR ARUMING BANGSA

DENING : ENI SETYOWATI

CANCUT TALIWANDA, BUMIKU HANDAYANI

CANCUT TALIWANDA,BUMIKU HANDAYANI

DENING : ENI SETYOWATI

Cancut  taliwanda ...

pinangka sesanti ambalwarsa

Kabupaten Gunungkidul ingkang kinarsa

Bumi Handayani sanginggiling arga

Cancut taliwanda ...

gumregut sengkut Gunungkidul samya makarya

sadaya warga saiyeg saeka praya

samya asung bekti darma

Amrih tata titi tentrem kerta raharja

rahayu nir ing sambikala

Mugi Bumi Handayani

tansah pinaringan lan binerkahan dening Gusti

ing sedaya sedya tuwin panjangka

Cancut taliwanda ...

Sugeng ambalwarsa bumi Dhaksinarga

Ingkang kaping satus sangang dasa 

Cancut taliwanda ...

Arak-arakanipun arga ing iring dhaksina

mugi tansah amaesi bawana

kanthi tambahipun yuswa 

Mugya samsaya angrembaka 

wonten ing rasa, cipta lan karsa

ginelar sedaya upaya

angleluri luhuring budaya

kagem pager jati dhirining bangsa

Angambar aruming bangsa

Kinanthen  puja puji ugi donga ingkang rinumpaka

Asmanipun Pangeran tansah kajiwa

ing telengipun nala

**

Bumi Handayani, Kamis Pon 27 Mei 2021

( kaserat ing satengahing angayahi jejibahan ngawasi ASPD BK ing SD Bendungan II , Karangmojo)

PATI

PATI 

DENING : ENI  SETYOWATI

Pati ... 

Prastawa punika sampun pinesthi 

Sedaya titah ing sanginggiling bumi

 badhe anglampahi

Sedaya titah badhe anemahi

Amargi sampun sinerat wonten Kitab Suci

Pinangka takdir saking Gusti 

Ingkang Murbeng Dumadi

Salebetipun  Quran Suci

Sinerat ayat Innalillahi

sakjatosipun kita sedaya kagunganipun Gusti

Wa inna Illahi Rojiun amungkasi

bilih wonten Ing Ngarsanipun Gusti ugi 

kita sedaya badhe tinimbali

Pati ...

Pepesthi ingkang mboten saget dipun singkiri

Mboten saget dipun mangertosi

mboten saget dipun candheti

mboten saget dipun entosi

wonten ing sadengah papan ugi kahanan badhe kaleksanan yekti

icalipun ruh saking badan ragawi

Pati ...

pinangka satunggaling prastawa

ingkang kedhah dipun tampi kanthi lila legawa

Pramila para kadang sedaya

Sumangga kita samya anggegulang jiwa

ing madyaning yuswa ingkang taksih kajiwa

kanthi memetri ugi nyinandhi

panuntun-panuntun aji

linandhesan paugeranipun Gusti 

Ingkang Maha Suci

***

BUMI HANDAYANI, SETU WAGE, 12 JUNI 2021

tabuh 10.00