GEGURITAN : GAMBUH KANGGO MURIDKU LAN GAMBUH KAGEM GURU

DENING : ENI  SETYOWATI

GAMBUH KANGGO MURIDKU

karipta dening : Eni Setyowati

Pra siswa yo dha nandur

Nandur rasa mring pakarti luhur

Anyingkiri laku nora migunani

Kanggo santosaning qolbu

Jer uripe ayem ayom

Pra siswa yo dha sengkut
Anggonira padha ngangsu kawruh
Migunani tumrap dhiri lan nagari
Bundhelana kanthi bakuh
Nggegulango aja kendho

Pra siswa yo dha ngluru

Ngluru ngelmu sarana meguru

Kanthi niyat laku ati ingkang suci

Aja sira dha kapincut

Godaning donya kang muspro

Pra siswa yo dha manut
Dadya yoga kang mbangun miturut
Mituruto mring laku dhiri kang aji
Ngedohono pokal angkuh
Uripe bakal kepomo

Pra siswa dha mituhu
Ngudi ngelmi lumeber pitudhuh
Lelandesan mring paugerane Gusti
Kanthi ati ingkang kukuh
Ngugemi laku sayektos

***

Gunungkidul, Kamis kliwon, 26 Desember 2019