Yogya lantai loro
wong-wong padha
nyebut mangkono
marang laladan
Gunungkidul kang sansaya monjo
Gunungkidul
minangka salah sawijining papan antik
saka kraton Ngayogyakarta kang sarwa klasik
Gunungkidul
nduweni sesanti
Yaiku Handayani
Papan iki
nduweni kaendahan alam kang pantes sinawang
Nduweni budi pakarti kang edipeni
Nduweni tradhisi kang tansah kamemetri
Nduweni giri-giri kang tansah setya mageri
bumi
Nduweni papan wisata kang maneka warna
Nduweni dhaharan lokal kang ngangeni
Nduweni masarakat kang sarwa prasaja
Nduweni mawarni –warni aji tata budaya
kanggo urip lan panguripan
kang sarwa andayani
Bumi Handayani
tansah asung leladi
memetri lan ngleluri
maneka warna tradhisi
mawarni tata nilai budaya jawi aji,
kang tansah
ditaberi dening masarakat bumi handayani
mungguhing pra
mudha siwi
ing tembe mburi
kanggo neruske lakuning bumi
nganti tumekeng pati
Hangrungkebi,
handarbeni,
handadagi ,
hanetepi,
hangleluri bumi
handayani
urun darma bekti
mrih mekaring negari
Mugi Bumi
Handayani
Tansah andayani
bumi
Sarana tradhisi lan pitutur-pitutur aji
kang nyawiji lan laras karo paugeraning
Gusti Kang Maha Siji
Muga dadya sarana angumbar rasa ,angenam
raga
ambabar jiwa,
anggelar budaya
saengga bisa kanggo amemayu hayuning sarira
amemayu hayuning kulawarga,
amemayu hayuning sasama,
amemayu hayuning nagara lan bawana
kanthi linandesan kitab sucining Gusti Kang
Maha Akarya
**
Bumi Handayani, Kamis Wage wengi, 8 April 2021
RIWAYAT PANYERAT
Eni Setyowati , kalairake ing wewengkon Gunungkidul nalika 23 November 1972 saka Alm.Bapa Sulardi Dwija Suprapto (pensiunan kepala sekolah dasar) lan Ibu Muryatni (ibu rumah tangga ).Nikah karo kakak tingkat nalika kuliah ing Fakultas sastra UNS. Diparingi putra 2 kang dadi geganthilaning ati, Erwin Kundya Yoga Perdana,S.T. lan Erlinda Qurota Ayunnin
Kawit cilik demen maca, nulis lan nglukis. Gegayuhan kawit cilik pingin dadi sastrawati / panyerat. Nate kuliah ing jurusan sastra Jawa UNS, Solo.Taun 2000 lulus saka jurusan Teknologi Pendidikan FIP UNY Ngayogyakarta.Tahun 2020 lulus saka S1 PGSD UT Ngayogyakarta.
Sakiki nalika yuswa wis ngancik surup , greget lan gumregah nulis maneh. Ana kurang luwih 30 pustaka antologi bareng para pandhemen literasi saka wewengkon nuswantara. Uga tulisan-tulisane wis kasil dadi kurang luwih 10 pustaka tunggal. Lan tulisan-tulisan liyane melu ngrenggani ariwarti lan kalawarti daerah.
Paugerane urip
muga bisa dadi manungsa kang muginani tumraping wong liya “urip iku urup”.
Wektu iki ndarmabektike ilmune ana ing SD Negeri Wiladeg Karangmojo
Gunungkidul. Bisa ditemoni ing setyowatieni.blogspot,com , email :esetyowee@gmail.com
, Hape : 082226041222
Jeng Eni memang kreatif, siip
BalasHapusbunda susilo,maturnuwun,,bun,,,,bunda juga jooss
Hapus