VIRUS -VIRUS SASTRA JAWA
Dening : Eni Setyowati (Enis)
( Lolos sayembara sastra budaya jawa taun
2020 lan kapacak ing buku antologi geguritan KIDUNG KARANGKITRI Kundha Kabudayan Ngayogyakarta taun 2020)
Virus-virus sastra jawa
Wus wayahe diwenehi hawa
Wus sak trepe dititipi nyawa
Ben dadya sarana anggelar rasa
Ben dadya warangka angumbar jiwa
Virus-virus sastra jawa
Tambaha sengkut anggonmu ngrakut
Mlebu ing sela-selaning jamrut
Jamruting raga, jiwa lan rasa
Dadya pangendah bawana
Kanggo pangayom ,pangayem lan pamrayoga
Agesanging manungsa ing mayapada
Uga dadya pepadang
Ing tembe ngadep mring Sang Hyang Maha Wenang
Kanthi manthering diri lan ati
Linambaran ajining budaya jawi
Linandesan kitab sucining Ilahi ...
Yogyakarta ( Hotel Neo Awana) ,Temu Sastra,
Rabu, 27 November 2019
Alhamdulillah semakin eksis. Saya bangga dan terharu.
BalasHapusAmin...makasih bunda kanjeng...terus belajar ini bun....sukses selalu utk bunda ya
Hapus